മക്ക: കേന്ദ്ര ഹജ്ജ് കമ്മിറ്റി വഴി കേരളത്തിൽ നിന്ന് വിശുദ്ധ ഹജ്ജ് കർമ്മം നിർവ്വഹിക്കാൻ എത്തി അസുഖ ബാധിതനായതിനെ തുടർന്ന് മക്കയിലെ കിങ് ഫൈസൽ ഹോസ്പിറ്റലിൽ ചികിത്സയിലായിരുന്ന മലപ്പുറം തിരൂർ തെക്കൻകുറ്റൂർ സ്വദേശി അത്തിക്കൽ മുഹമ്മദ്‌ (63) മരണപ്പെട്ടു. ഭാര്യ ആയിശുമ്മുവുമൊത്താണ് ഹജ്ജിനെത്തിയത്. ഹജ്ജ് കർമ്മം പൂർത്തിയാക്കി ഭാര്യ നാട്ടിലേക്ക് മടങ്ങിയിരുന്നു. സുനൈഷ ,ഹുസ്ന ,സഹ്‌ല , നദ  എന്നിവരാണ് മക്കൾ. നടപടിക്രമങ്ങൾ പൂർത്തികരിച്ചു മയ്യിത്ത് മക്കയിൽ ഖബറടക്കുമെന്ന് നടപടിക്രമങ്ങൾക്ക് നേതൃത്വം നൽകുന്ന കെഎംസിസി നേതാവ് മുജീബ് പുക്കോട്ടൂർ അറിയിച്ചു.