തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തല ഉന്നയിച്ച ആരോപണം പച്ചക്കള്ളമാണെന്ന് കെ.ടി ജലീല്‍. സത്യാവസ്ഥ വൈസ് ചാന്‍സലറോട് ചോദിച്ചാല്‍ മതി. സര്‍വകലാശാലയുടെ തീരുമാനത്തെ സംബന്ധിച്ച് എതിര്‍പ്പുള്ളവര്‍ക്ക് കോടതിയെ സമീപിക്കാമെന്നും ജലീല്‍ പറഞ്ഞു.

മാര്‍ക്ക് ദാനത്തിനല്ല മറിച്ച് ഫയലുകള്‍ തീര്‍പ്പാക്കാനാണ് അദാലത്ത് മുന്‍കൈയെടുത്ത് നടപ്പാക്കിയത്. തെളിവുകള്‍ ഉന്നയിക്കുന്ന പ്രതിപക്ഷനേതാവ് തെളിവുകള്‍ നിരത്തണമെന്ന് മന്ത്രി വ്യക്തമാക്കി.

വൈസ് ചാന്‍സലറടക്കം ബോധ്യപ്പെട്ടതിന്റെ അടിസ്ഥാനത്തിലാണ് മാര്‍ക്ക് നല്‍കിയതെന്നും മന്ത്രി കൂട്ടിചേര്‍ത്തു. പ്രതിപക്ഷനേതാവ് രമേശ് ചെന്നിത്തലയുടെ ആരോപണത്തിനെതിരേ മാധ്യമങ്ങളോട് പ്രതികരിക്കുകയായിരുന്നു അദ്ദേഹം.