വട്ടിയൂര്‍കാവ്: തെരഞ്ഞെടുപ്പില്‍ മികച്ച ഭൂരിപക്ഷം നേടുമെന്ന് ആവര്‍ത്തിച്ച് വട്ടിയൂര്‍കാവിലെ യു.ഡി.എഫ് സ്ഥാനാര്‍ഥി മോഹന്‍കുമാര്‍. മഴ പോളിങ്ങിനെ ബാധിക്കുമോ എന്ന് പറയാനാവില്ലെന്നും അദ്ദേഹം കൂട്ടിച്ചേര്‍ത്തു.

വട്ടിയൂര്‍ക്കാവ് നിയോജക മണ്ഡലത്തിലെ മാതൃകാ പോളിംഗ് ബൂത്തായ പട്ടം ഗവ: ഗേള്‍സ് ഹൈസെക്കണ്ടറി സ്‌കൂളില്‍ മധുരം വിതരണം ചെയ്താണ് വോട്ടര്‍മാരെ വരവേല്‍ക്കുന്നത്.

എന്‍.എസ്.എസ് പിന്തുണ പ്രഖ്യാപിച്ചത് മൂന്നാം വട്ടവും മണ്ഡലം നിലനിര്‍ത്താനൊരുങ്ങുന്ന യു.ഡി.എഫിന് കരുത്തു പകര്‍ന്നെന്നാണ് നിരീക്ഷണം. ഇതോടെ ആദ്യഘട്ടത്തിലെ മെല്ലെപ്പോക്ക് പിന്നിട്ട യു.ഡി.എഫ് അവസാനലാപ്പില്‍ പ്രചാരണത്തില്‍ മുന്നേറുകയും ചെയ്തു.

എതിര്‍പക്ഷത്ത് എന്‍.എസ്. എസ് കൂടി ഉണ്ടെന്നത് കണ്ട് അരയും തലയും മുറുക്കിയായിരുന്നു ഇടത് പ്രചാരണം.