തൊട്ടില്‍പ്പാലം: തുടര്‍ച്ചയായ അഞ്ചാം വര്‍ഷവും റമദാനില്‍ ആശുപത്രികളിലെത്തുന്ന രോഗികള്‍, കൂട്ടിരിപ്പുകാര്‍, ആശുപത്രി ജീവനക്കാര്‍ എന്നിവര്‍ക്കും നോമ്പുതുറ അത്താഴ ഭക്ഷണ വിതരണം നടത്തി വരുന്ന എസ്.കെ.എസ്.എസ്.എഫ് കുറ്റ്യാടി മേഖലയ്ക്ക് അഭിനന്ദനമറിയിച്ച് ജില്ലാ നേതാക്കളെത്തിയത് പ്രവര്‍ത്തകര്‍ക്ക് ആവേശമായി.
ജില്ലാ സെക്രട്ടറി ഒ.പി അഷ്‌റഫ്, ട്രഷറര്‍ കാസിം നിസാമി, വര്‍ക്കിങ് സെക്രട്ടറി നൂറുദ്ദീന്‍ ഫൈസി, ജോ. സെക്രട്ടറി അലി അക്ബര്‍ മുക്കം, റാഷിദ് ദാരിമി, നിസാം ഓമശ്ശേരി, ഗഫൂര്‍ മുണ്ടുപാറ എന്നിവരാണ് സന്ദര്‍ശിക്കാനെത്തിയത്.
ആശുപത്രികളില്‍ വിതരണത്തിനായുള്ള ഭക്ഷണം തയാറാക്കുന്ന കേന്ദ്രമായ കൊടക്കല്‍, ഭക്ഷണം കൂടുതല്‍ വിതരണം നടത്തുന്ന കുറ്റ്യാടി താലൂക്കാശുപത്രി എന്നിവിടങ്ങളില്‍ പ്രവര്‍ത്തകര്‍ക്കൊപ്പം നേതാക്കള്‍ ചിലവഴിച്ചു.