പേരാവൂര്‍: കഞ്ചാവ് കൈവശം വച്ച് കടത്തിക്കൊണ്ടു വരികയായിരുന്ന യുവാവിനെ പേരാവൂര്‍ എക്‌സൈസ് സംഘം പിടികൂടി. വയനാട് അമ്പലവയല്‍ സ്വദേശി പടിക്കത്തൊടി വീട്ടില്‍ പി.എം ഷഫീര്‍ (27) ആണ് പാല്‍ച്ചുരത്തു എക്‌സൈസ് സംഘത്തിന്റെ പിടിയിലായത്.
ഇയാളില്‍ നിന്നു 20 ഗ്രാം കഞ്ചാവ് കണ്ടെടുത്തു. പാല്‍ച്ചുരം ഒന്നാംവളവിലെ ബസ്‌വെയിറ്റിങ് ഷെല്‍ട്ടറിനു സമീപം സംശയാസ്പദമായ രീതിയില്‍ കണ്ടതിനെ തുടര്‍ന്ന് നടത്തിയ പരിശോധനയിലാണ് കഞ്ചാവ് കണ്ടെടുത്തത്.
മൈസൂരില്‍ നിന്നാണ് കഞ്ചാവ് ലഭിച്ചതെന്ന് ഇയാള്‍ എക്‌സൈസ് ഉദ്യോഗസ്ഥരോട് പറഞ്ഞു. ഒരാഴ്ചക്കിടെ അഞ്ചാമത് കഞ്ചാവു കേസാണ് കൊട്ടിയൂര്‍ മേഖലയില്‍ നിന്ന് പേരാവൂര്‍ എക്‌സൈസ് കണ്ടെടുക്കുന്നത്.