കോഴിക്കോട്: പ്രീ പെയ്ഡ് ഉപഭോക്താക്കള്‍ക്ക് തികച്ചും അണ്‍ലിമിറ്റഡ് 3ജി 4ജി ഡാറ്റാ ഉപയോഗം സാധ്യമാക്കുന്ന സൂപ്പര്‍നൈറ്റ് ഓഫര്‍ വോഡഫോണ്‍ പ്രഖ്യാപിച്ചു. 29 രൂപയ്ക്ക് അഞ്ചു മണിക്കൂര്‍ ഡാറ്റാ ഉപയോഗവും ഡൗണ്‍ലോഡിങും സാധ്യമാക്കുന്ന ഓഫര്‍ രാത്രി ഒരു മണി മുതല്‍ രാവിലെ ആറു മണിവരെയായിരിക്കും ലഭ്യമാവുക.
ഏത് സമയത്തു വേണമെങ്കില്‍ ഓഫര്‍ ആക്റ്റിവേറ്റ് ചെയ്യാം. ഡിജിറ്റല്‍ ചാനലുകളിലൂടേയും റീട്ടെയില്‍ ടച്ച് പോയിന്റുകളിലൂടേയും സൂപ്പര്‍ നൈറ്റ് പദ്ധതികള്‍ വാങ്ങാനാവും. ഉപഭോക്താക്കള്‍ക്ക് കൂടുതല്‍ മികച്ച സേവനം ലഭ്യമാക്കാനായി കമ്പനി കൂടുതല്‍ നിക്ഷേപം നടത്തി വരികയാണെന്ന് വോഡഫോണ്‍ അറിയിച്ചു.
ഏറ്റവും പുതിയ ടെക്‌നോളജിയുടെ സഹായത്തോടെ മികച്ച ഉപഭോക്തൃ അനുഭവം ലഭ്യമാക്കുവാന്‍ കമ്പനി ഉദ്ദേശിക്കുന്നു. കമ്പനിയുടെ രാജ്യമൊട്ടാകെയുള്ള മൊബൈല്‍ നെറ്റ്‌വര്‍ക്കില്‍ എച്ച്.ഡി ശബ്ദ നിലവാരവും, സൂപ്പര്‍ മൊബൈല്‍ ബ്രോഡ്ബാന്‍ഡ് അനുഭവവും ഇതിനകം ഒരുക്കിക്കഴിഞ്ഞെന്നും വോഡഫോണ്‍ ഇന്ത്യ ചീഫ് കമേഴ്‌സ്യല്‍ ഓഫിസര്‍ സന്ദീപ് കടാരിയ അറിയിച്ചു.