വടക്കാഞ്ചേരി: തീവ്രവാദത്തിനും, വര്‍ഗീയതക്കുമെതിരേ ദേശീയോദ്ഗ്രഥന സന്ദേശവുമായി എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റി സംഘടിപ്പിക്കുന്ന ഭാരതീയം ചരിത്ര സ്മൃതി യാത്രക്ക് ഓഗസ്റ്റ് പത്തിന് വടക്കാഞ്ചേരിയില്‍ സ്വീകരണം നല്‍കും.
ഉച്ചകഴിഞ്ഞ 3ന് ജയശ്രീ ഓഡിറ്റോറിയത്തില്‍ വച്ച് നടക്കുന്ന സമ്മേളനം സുപ്രഭാതം എക്‌സിക്യൂട്ടീവ് എഡിറ്റര്‍ എ.സജീവന്‍ ഉദ്ഘാടനം ചെയ്യും.
സംഘാടക സമിതി ചെയര്‍മാന്‍ അനില്‍ അക്കര എം.എല്‍.എ അധ്യക്ഷനാകും. മദ്യ വിരുദ്ധ സമിതി തൃശൂര്‍ രൂപതാ ഡയറക്ടര്‍ ഫാ. ഡോ. ദേവസി പന്തല്ലൂക്കാരന്‍,  
അകമല ശ്രീധര്‍മ്മ ശാസ്താ ക്ഷേത്രം ട്രസ്റ്റ് പ്രസിഡന്റ് എം.എസ് രാഘവന്‍ തുടങ്ങിയവര്‍ മുഖ്യാതിഥികളായി പങ്കെടുക്കുമെന്ന് സ്വാഗത സംഘം വര്‍ക്കിങ് ചെയര്‍മാന്‍ ശിയാസ് അലി വാഫി, ജനറല്‍ കണ്‍വീനര്‍ എം.എം മുഹമ്മദ് ബഷീര്‍ എന്നിവര്‍ അറിയിച്ചു.