ഗുവാഹത്തി: തുടരെയുള്ള തോല്‍വിയേയും സമനിലയേയും പിടിച്ചുകെട്ടാനാവാതെ ബ്ലാസ്റ്റേഴ്‌സ്. നോര്‍ത്ത് ഈസ്റ്റിനെതിരെയുള്ള നിര്‍ണായക മല്‍സരത്തിലാണ് ബ്ലാസ്‌റ്റേഴ്‌സ് വീണ്ടും തോല്‍വിയിലേക്ക് കൂപ്പുകുത്തിയത്. തുടര്‍ച്ചയായ മൂന്നാം തോല്‍വിയാണിത്.

ആദ്യ പകുതിയില്‍ ഇരുടീമുകളും അവസരങ്ങള്‍ പാഴാക്കുന്നതില്‍ മല്‍സരിച്ചു വെങ്കിലും രണ്ടാം പകുതിയില്‍ പ്രതീക്ഷയെന്നോണം ബ്ലാസ്‌റ്റേഴ്‌സിനായി 72 ാം മിനിറ്റില്‍ പോപ്‌ലാനിനാണ് കോര്‍ണറിലൂടെ ഗോള്‍ നേടിയത് .

തുടര്‍ന്ന് ജിംഗന്റെ അനാവശ്യ ഫൗളിലൂടെ ലഭിച്ച പെനാല്‍റ്റികിക്കിലൂടെ നോര്‍ത്ത് ഈസ്റ്റിന്റെ ഓഗ്ബച്ചെ കേരളത്തിനു ആദ്യ മറുപടി നല്‍കി. പിന്നാലെ 96 ാം മിനിറ്റില്‍ യുവാന്‍ മാസിയയുടെ ഗോളില്‍ നോര്‍ത്ത് ഈസ്റ്റ് വിജയത്തിലെത്തി. തുടരെ തുടരെയുള്ള അവസര നഷ്ടപ്പെടുത്തലുകളാണ് കേരളത്തിനു തിരിച്ചടിയായത്.