മലപ്പുറം: ബാബരി മസ്ജിദ് കേസില്‍ സുപ്രിംകോടതി ഭരണഘടനാ ബെഞ്ച് പുറപ്പെടുവിച്ച വിധി മാനിക്കുന്നുവെന്ന്‌  പാണക്കാട് സയ്യിദ് ഹൈദരലി ശിഹാബ് തങ്ങള്‍.

വിധിക്ക് ശേഷവും നാട്ടില്‍ സമാധാനം നിലനില്‍ക്കണമെന്നും തങ്ങള്‍ ആത്മസംയമനം പാലിക്കണമെന്നും ആഹ്വാനം ചെയ്തു. വിധിയെക്കുറിച്ച് ചര്‍ച്ച ചെയ്യുന്നതിന് പൂര്‍ണ പകര്‍പ്പ് കിട്ടിയ ശേഷം മുസ്‌ലിം ലീഗ് ഉന്നത യോഗം തിങ്കളാഴ്ച ചേരും. വിഷയം അതുമായി ബന്ധപ്പെട്ട എല്ലാവരുമായും കൂടിയാലോചിച്ച ശേഷം കൂടുതല്‍ പ്രതികരിക്കാമെന്നു മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി വ്യക്തമാക്കി.