കൊച്ചി: രാമക്ഷേത്രം അധികാരം പിടിക്കാനുള്ള ആയുധം മാത്രമാണെന്ന് പോപുലര്‍ ഫ്രണ്ട് ഓഫ് ഇന്ത്യ ചെര്‍മാന്‍ ഇ.അബൂബക്കര്‍. ബാബരി ഭൂമിയില്‍ ക്ഷേത്രമല്ല മസ്ജിദാണ് നീതി എന്ന പ്രമേയത്തില്‍ ഓള്‍ ഇന്ത്യ ഇമാംസ് കൗണ്‍സില്‍ സംസ്ഥാന കമ്മിറ്റി മറൈന്‍ ഡ്രൈവില്‍ സംഘടിപ്പിച്ച ബാബരി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
മൗലാനാ മുഹമ്മദ് ഈസാ ഫാളില്‍ മമ്പഈ അധ്യക്ഷനായി. ചെയര്‍പേഴ്‌സണ്‍ സ്വാമി അഗ്‌നിവേശ് മുഖ്യാതിഥിയായി. ~ഓള്‍ ഇന്ത്യാ ഇമാംസ് കൗണ്‍സില്‍ സംസ്ഥാന ട്രഷറര്‍ വി.എം ഫത്തഹുദീന്‍ റഷാദി ബാബരി ചരിത്രം അവതരിപ്പിച്ചു. സംസ്ഥാന സെക്രട്ടറി ഹാഫിസ് അഫ്‌സല്‍ ഖാസിമി മുഖ്യപ്രഭാഷണം നടത്തി. ദേശീയ വൈസ് പ്രസിഡന്റ് കരമന അഷ്‌റഫ് മൗലവി, നാസറുദീന്‍ എളമരം, കേരളാ മുസ്്‌ലീം ജമാഅത്ത് കൗണ്‍സില്‍ പ്രസിഡന്റ് അഡ്വ.എ .പൂക്കുഞ്ഞ്, പി.ഡി.പി വൈസ് പ്രസിഡന്റ് മാഹീന്‍ ബാദുഷാ മൗലവി, മൂവാറ്റുപുഴ അഷ്‌റഫ് മൗലവി, മെക്ക ജനറല്‍ സെക്രട്ടറി എന്‍. കെ അലി, ഓള്‍ ഇന്ത്യാ മുസ്‌ലിം പേഴ്‌സണല്‍ ലോബോര്‍ഡ് അംഗം അബ്ദുല്‍ ശുക്കൂര്‍ അല്‍ഖാസിമി, ഓള്‍ ഇന്ത്യാ ഇമാംസ് കൗണ്‍സില്‍ സംസ്ഥാന സെക്രട്ടറി ഹാഫിസ് ഷഫീഖ് അല്‍ ഖാസിമി സംസാരിച്ചു.