കോഴിക്കോട്: ജില്ലയില്‍ ഡെങ്കിപ്പനി ബാധിതരുടെ എണ്ണം വീണ്ടും കൂടുന്നു. ഇന്നലെ ഡെങ്കി ബാധയെ തുടര്‍ന്ന് 37 പേര്‍ ജില്ലയിലെ വിവിധ ആശുപത്രികളില്‍ ചികിത്സ തേടി.
ഇതോടെ ഡെങ്കിപ്പനി ബാധിച്ചവരുടെ എണ്ണം 803 ആയി. ഇന്നലെ ഡെങ്കി സംശയിക്കുന്ന 91 കേസുകളും റിപ്പോര്‍ട്ട് ചെയ്തിട്ടുണ്ട്.
രണ്ടുപേര്‍ക്ക് മലമ്പനി റിപ്പോര്‍ട്ട് ചെയ്തതായും ഡി.എം.ഒ അറിയിച്ചു. ഇതരസംസ്ഥാനത്തു നിന്നുള്ള കാലിക്കറ്റ് ടവറിലെ വിജയ് ( 23), പുതിയപാലത്തെ റിയാസ് (30) എന്നിവര്‍ക്കാണ് മലമ്പനി സ്ഥിരീകരിച്ചത്. ഇന്നലെ പനിബാധയെ തുടര്‍ന്ന് 2,125 പേര്‍ വിവിധ ആശുപത്രികളില്‍ ചികിത്സ തേടി.
ഒരാള്‍ക്ക് മഞ്ഞപ്പിത്ത ബാധയുണ്ട്. എലിപ്പനിയെ തുടര്‍ന്ന് കഴിഞ്ഞ ദിവസം ഒരാള്‍ മരിച്ചിരുന്നു. ചേളന്നൂര്‍ കണ്ണങ്കരയിലെ രാജന്‍ (61) ആണ് മരിച്ചത്.