സുല്‍ത്താന്‍ ബത്തേരി: മാനന്തവാടി -ബത്തേരി റൂട്ടില്‍ ഇന്നു മുതല്‍ സ്വകാര്യബസുകള്‍ സര്‍വിസ് നടത്തില്ല.
കഴിഞ്ഞ ഒന്നര വര്‍ഷമായി ഈ റൂട്ടില്‍ സ്വകാര്യ ബസും-കെ.എസ്.ആര്‍.ടി.സിയും തമ്മിലുള്ള പ്രശ്‌നം പരിഹരിക്കാത്ത അധികൃതരുടെ നടപടിയില്‍ പ്രതിഷേധിച്ചാണ് 75ഓളം സര്‍വിസുകള്‍ ഇന്നുമുതല്‍ നിര്‍ത്തിവെക്കുന്നത്. ബസുകളുടെ സമയ ക്രമത്തെചൊല്ലി നിരന്തരം ഈ റൂട്ടില്‍ ഇരു വിഭാഗങ്ങളും തമ്മില്‍ സംഘര്‍ഷം പതിവാണ്.
ഏറ്റവും ഒടുവില്‍ സ്വകാര്യബസ് ജീവനക്കാരന്‍ ജയിലില്‍ പോവേണ്ട അവസ്ഥയും വന്നു.
ഇതുമായി ബന്ധപ്പെട്ട് കലക്ടറുടെ സാനിധ്യത്തല്‍ നടന്ന ചര്‍ച്ചയില്‍ ഈ റൂട്ടിലെ പ്രശ്‌നങ്ങള്‍ പരിഹരിക്കാമെന്ന് ഉറപ്പ് നല്‍കിയിരുന്നു. എന്നാല്‍ ഇത് നടപ്പിലായില്ല. ഇതേതുടര്‍ന്നാണ് ബസുകള്‍ സമരമാരംഭിക്കുന്നത്.