മൂവാറ്റുപുഴ : കെ.എസ്.ആര്‍.ടി.സി ബസ് തടഞ്ഞുനിര്‍ത്തി ദമ്പതികളെ ആക്രമിച്ച ഡി.വൈ.എഫ്.ഐക്കാര്‍ക്കെതിരേ കേസെടുത്ത് അറസ്റ്റ് ചെയ്യണമെന്നാവശ്യപ്പെട്ട് യൂത്ത് കോണ്‍ഗ്രസ് മൂവാറ്റുപുഴ നിയോജക മണ്ഡലം കമ്മിറ്റിയുടെ നേതൃത്വത്തില്‍ മൂവാറ്റുപുഴ പൊലിസ് സ്റ്റേഷനിലേക്ക് മാര്‍ച്ച് നടത്തി.
മര്‍ദ്ദനത്തിനിരയായ കുടുംബത്തെ ഒരു രാത്രി മുഴുവന്‍ സ്റ്റേഷനില്‍ തടഞ്ഞുവച്ച പൊലിസ് നടപടിയില്‍ പ്രതിഷേധിച്ചു. കച്ചേരിത്താഴത്ത് നിന്നും ആരംഭിച്ച മാര്‍ച്ച് സ്റ്റേഷന്‍ പരിസരത്തെത്തിയപ്പോള്‍ പൊലിസ് തടഞ്ഞു. തുടര്‍ന്ന് പ്രവര്‍ത്തകര്‍ റോഡില്‍ കുത്തിയിരുന്ന് ധര്‍ണ നടത്തി. നിയോജക മണ്ഡലം പ്രസിഡന്റ് സമീര്‍ കോണിക്കല്‍ അധ്യക്ഷത വഹിച്ചു.
കെ.പി.സി.സി എക്‌സിക്യുട്ടീവ് അംഗം എ മുഹമ്മദ് ബഷീര്‍ ഉദ്ഘാടനം ചെയ്തു. ഡി.കെ.ടി.എഫ് സംസ്ഥാന പ്രസിഡന്റ് ജോയി മാളിയേക്കല്‍ ഡി.സി.സി സെക്രട്ടറിമാരായ പി.പി എല്‍ദോസ്, ഉല്ലാസ് തോമസ്, ബ്ലോക്ക് കോണ്‍ഗ്രസ്സ് പ്രസിഡന്റ് ജോസ് പെരുമ്പിള്ളിക്കുന്നേല്‍ യൂത്ത് കോണ്‍ഗ്രസ് പാര്‍ലമെന്റ് സെക്രട്ടറി മുഹമ്മദ് റഫീക്ക്, യൂത്ത് കോണ്‍ഗ്രസ്സ് നേതാക്കന്മാരായ കെ.പി ഷമീര്‍, ജിന്റോ ടോമി, സാബു ജോണ്‍, എം.സി വിനയന്‍, അബ്ദുള്‍ സലാം, എ.കെ ഉമ്മര്‍, എബ്രഹാം തൃക്കളത്തൂര്‍, അഡ്വ.എന്‍ രമേശ്, മാത്യൂസ് വര്‍ക്കി തുടങ്ങിയവര്‍ പ്രസംഗിച്ചു.