അന്തിക്കാട്: പെരിങ്ങോട്ടുകര ഗവ.ഹയര്‍ സെക്കന്‍ഡറി സ്‌കൂകൂളിന് മുന്‍പില്‍ നിന്ന് അര കിലോ കഞ്ചാവുമായി യുവാവിനെ അന്തിക്കാട് പൊലിസ് അറസ്റ്റ് ചെയ്തു.
കാളത്തോട് പടിഞ്ഞാറെ പുരയ്ക്കല്‍ മുഹമ്മദ് നവവി (22)നെയാണ് അന്തിക്കാട് എസ്.ഐ കെ.എസ് സൂരജും സംഘവും അറസ്റ്റു ചെയ്തത്. ബൈക്കില്‍ ചാരി നിന്നു വില്‍പന നടത്താനുള്ള ശ്രമത്തിനിടെയാണ് അറസ്റ്റ്.
അന്തിക്കാട് പൊലിസിന്റെ നേതൃത്വത്തില്‍ രൂപീകരിച്ച കഞ്ചാവ് വിരുദ്ധ സ്‌ക്വാഡിന്റെ ആദ്യ കഞ്ചാവ് വേട്ടയാണിതെന്ന് എസ്.ഐ കെ.എസ് സൂരജ് പറഞ്ഞു.
ജില്ലാ പൊലിസ് മേധാവിക്കു ലഭിച്ച രഹസ്യവിവരത്തിന്റെ അടിസ്ഥാനത്തില്‍ ഇരിങ്ങാലക്കുട ഡിവൈ.എസ്.പി ഫേമസ് വര്‍ഗീസിന്റെ നിര്‍ദേശപ്രകാരമായിരുന്നു അറസ്റ്റ്.
എ.എസ്.ഐ വില്‍സന്‍ ചെറിയാന്‍, സി.പി.ഒ മാരായ സുശാന്ത്, സുന്ദരന്‍, ഫൈസല്‍, ഷറഫുദ്ദീന്‍, ശിഹാബ്, ജില്ലാ സ്‌പെഷല്‍ ബ്രാഞ്ച് ഓഫിസര്‍ റഷീദ്, സംസ്ഥാന സ്‌പെഷല്‍ ബ്രാഞ്ച് ഉദ്യോഗസ്ഥര്‍ തുടങ്ങിയവര്‍ പ്രതിയെ പിടികൂടിയ സംഘത്തിലുണ്ടായിരുന്നു.