ജയ്പൂര്‍: കോണ്‍ഗ്രസിന്റെ മുന്നേറ്റത്തില്‍ അതിയായ സന്തോഷം പ്രകടിപ്പിച്ച് സചിന്‍ പൈലറ്റ്. ബി.ജെ.പിക്കെതിരായ ജനവികാരമാണ് തെരഞ്ഞെടുപ്പില്‍ പ്രകടമായതെന്ന് അദ്ദേഹം മാധ്യമപ്രവര്‍ത്തകരോട് പറഞ്ഞു. ഇത് ജനങ്ങളുടെ വിജയമാണെന്ന് അദ്ദേഹം കൂട്ടിച്ചേര്‍ത്തു. സംസഥാനത്തെ മുഖ്യമന്ത്രി ആരാവണമെന്നത് ദേശീയനേതൃത്വം തീരുമാനിക്കുമെന്ന് മാധ്യമപ്രവര്‍ത്തകരോട് പ്രതികരിച്ചു.

സചിന്‍ പൈലറ്റിന്റെ വീടിനു മുന്നിലാണ് കോണ്‍ഗ്രസ് പ്രവര്‍ത്തകര്‍ ആഹ്ലാദപ്രകടനം നടത്തുന്നത്. മുഖ്യമന്ത്രി സചിന്‍ പൈലറ്റ് തന്നെയാവണമെന്നാണ് പ്രവര്‍ത്തകരുടെ ആവശ്യം.