കുന്ദമംഗലം: കുറ്റിക്കാട്ടൂരില്‍ നിയന്ത്രണംവിട്ട നാനോ കാറിടിച്ച് നിര്‍ത്തിയിട്ട ഓട്ടോ തൊട്ടടുത്ത ബേക്കറിയിലേക്ക് പാഞ്ഞുകയറി. അപകടത്തെ തുടര്‍ന്ന് ബേക്കറിയിലെ ഭരണിയും ഷോകെയ്‌സും തകര്‍ന്നു. ഇന്നലെ രാത്രി 10ഓടെ കുറ്റിക്കാട്ടൂര്‍ അങ്ങാടിയില്‍ മുണ്ടുപാലം റോഡ് ജങ്ഷനിലാണ് സംഭവം.
 മെഡിക്കല്‍കോളജ് ഭാഗത്തുനിന്ന് നിലമ്പൂരിലേയ്ക്ക് പോവുകയായിരുന്ന കാറാണ് റോഡരികില്‍ നിര്‍ത്തിയിട്ട ഓട്ടോയുടെ പിന്നിലിടിച്ചത്.
ഇടിയുടെ ആഘാതത്തില്‍ നിര്‍ത്തിയിട്ട ഓട്ടോ ജിഷ ബേക്കറിയിലേക്ക് പാഞ്ഞുകയറിയതാണ് നാശനഷ്ടത്തിന് കാരണമായത്.