കയ്‌റോ: ഈജിപ്തില്‍ ബസ് ട്രക്കിലിടിച്ച് മൂന്ന് ഇന്ത്യക്കാരുള്‍പ്പെടെ 28 പേര്‍ മരിച്ചു. 13 പേര്‍ക്കു പരുക്കേറ്റു.
ഇന്ത്യക്കാര്‍ ഉള്‍പ്പെടെയുള്ള വിനോദസഞ്ചാരികള്‍ സഞ്ചരിച്ച രണ്ടു ബസുകള്‍ ട്രക്കിലിടിച്ചായിരുന്നു അപകടമെന്ന് ഇന്ത്യന്‍ എംബസി അറിയിച്ചു.
ഹര്‍ഗാദയിലെ ബീച്ച് റിസോര്‍ട്ടിലേക്കു പോകുന്ന ബസുകള്‍ കയ്‌റോയില്‍ നിന്ന് 120 കി. മീ അകലെയുള്ള ഐന്‍ സോഖ്‌ന നഗരത്തില്‍ വച്ചാണ് അപകടത്തില്‍ പെട്ടത്. 16 ഇന്ത്യക്കാരാണ് ഇരു ബസുകളിലുമായുണ്ടായിരുന്നത്.
എംബസി ഉദ്യോഗസ്ഥര്‍ ആശുപത്രികളിലെത്തിയതായും മരിച്ചവരുടെയും പരുക്കേറ്റവരുടെയും ബന്ധുക്കളെ ബന്ധപ്പെട്ടതായും എംബസി അധികൃതര്‍ പറഞ്ഞു.
അതേസമയം അപകടത്തില്‍ പെട്ട ഇന്ത്യക്കാരില്‍ മലയാളികളുണ്ടോയെന്നു വ്യക്തമല്ല.

ലോകത്തെ പ്രായമേറിയ കാണ്ടാമൃഗം ചത്തുഡൊഡോമ: ലോകത്തെ പ്രായമേറിയ കാണ്ടാമൃഗമെന്നു കരുതപ്പെടുന്ന താന്‍സാനിയയിലെ ഫോസ്റ്റ ചത്തു. കറുത്തവിഭാഗത്തില്‍ പെടുന്ന ഈ പെണ്‍ കാണ്ടാമൃഗത്തിന് 57 വയസായിരുന്നു. താന്‍സാനിയയിലെ എന്‍ഗൊറോന്‍ഗൊറോ വന്യജീവികേന്ദ്രത്തിലായിരുന്നു ഇതുണ്ടായിരുന്നത്. 2016ല്‍ വന്യജീവികേന്ദ്രത്തിലെത്തിക്കുന്നതു വരെ ഇത് കാട്ടിലായിരുന്നു കഴിഞ്ഞത്. 55 വയസുള്ള സന എന്ന പെണ്‍ കാണ്ടാമൃഗമായിരുന്നു ഇതുവരെ പ്രായമേറിയ റിനോ. 2017ലാണത് ചത്തത്.