കണ്ണൂര്‍: ഓണ്‍ലൈന്‍ വിപണനരംഗത്ത് മാറ്റങ്ങള്‍ക്ക് തുടക്കമിട്ട് ബൂംസ് ഇന്ത്യ കേരളത്തില്‍ പ്രവര്‍ത്തനമാരംഭിച്ചു. ബൂംസ് ഇന്ത്യയുടെ കണ്ണൂര്‍ ഓഫിസ് ബാങ്ക് റോഡിലെ ഗ്ലോബല്‍ വില്ലേജില്‍ ദിശ ചെയര്‍മാന്‍ സി ജയചന്ദ്രന്‍ ഉദ്ഘാടനം ചെയ്തു. ഇ ഡേ ഓഫര്‍.കോം എന്ന പേരിലുള്ള പുതിയ വെബ് പോര്‍ട്ടലിലേക്കു ടീക്ക് ഫര്‍ണിച്ചര്‍, ഓറഞ്ച് പ്ലൈ എന്നിവര്‍ അംഗങ്ങളായി ഓണ്‍ലൈന്‍ ബിസിനസിനു തുടക്കമിട്ടു. നോര്‍ത്ത് മലബാര്‍ ചേംബര്‍ ഓഫ് കോമേഴ്‌സ് സെക്രട്ടറി സച്ചിന്‍ സൂര്യകാന്ത്, കേരള ചിത്രകലാ പരിഷത്ത് പ്രസിഡന്റ് ഹരീന്ദ്രന്‍ ചാലാട്, ബൂംസ് ഇന്ത്യ ചീഫ് എക്‌സിക്യൂട്ടീവ് ഓഫിസര്‍ അനീഷ് കക്കോത്ത്, മാനേജിങ് പാര്‍ട്ണര്‍ സനാദ് സംബന്ധിച്ചു.