തിരുവനന്തപുരം: കഴിഞ്ഞ ശനിയാഴ്ച നടന്ന ക്ലസ്റ്റര്‍ പരിശീലനത്തില്‍ പങ്കെടുക്കാത്ത അധ്യാപകര്‍ക്കെതിരേ വകുപ്പുതല നടപടിക്കൊരുങ്ങി വിദ്യാഭ്യാസ വകുപ്പ്. ഇതുസംബന്ധിച്ച് പൊതുവിദ്യാഭ്യാസ അഡിഷണല്‍ ഡയറക്ടര്‍ ഉത്തരവിറക്കി. ആരോഗ്യപ്രശ്‌നങ്ങള്‍ കാരണം പങ്കെടുക്കാന്‍ കഴിയാതെ മെഡിക്കല്‍ സര്‍ട്ടിഫിക്കറ്റ് ഹാജരാക്കിയവര്‍ ഒഴികെയുള്ളവര്‍ക്കെതിരേ നടപടിയെടുക്കണമെന്ന നിര്‍ദേശം ജില്ലാ, ഉപജില്ലാ വിദ്യാഭ്യാസ ഓഫിസര്‍മാര്‍ക്ക് ലഭിച്ചിട്ടുണ്ട്.