കല്‍പ്പറ്റ: എസ്.എഫ്‌ഐ.ക്കെതിരെ മാനേജുമെന്റും മറ്റ് കുത്സിത ശക്തികളും നടത്തിയ എല്ലാ പ്രചാരണങ്ങളും തെറ്റാണെന്നും എസ്.എഫ്.ഐയാണ് ശരിയെന്നും തെളിയുന്നതാണ് കോളജ് യൂനിയന്‍ തെരഞ്ഞെടുപ്പില്‍ വിജയമെന്ന് ജില്ലാ സെക്രട്ടറിയേറ്റ് പ്രസ്താവനയില്‍ പറഞ്ഞു.
ജില്ലയില്‍ തെരഞ്ഞെടുപ്പ് നടന്ന 11 കോളേജുകളിലും വിജയിച്ച് ശക്തമായ താക്കീതാണ് വിദ്യാര്‍ഥികള്‍ നല്‍കിയത്.21 വര്‍ഷത്തെ ചരിത്രം തിരുത്തി ഡബ്ല്യൂ.എം.ഒ കോളജിലും വെന്നിക്കൊടി നാട്ടാനായത് മുന്നോട്ടുള്ള പ്രവര്‍ത്തനങ്ങള്‍ക്ക് ഊര്‍ജം പകരുമെന്നും സെക്രട്ടേറിയറ്റ് അഭിപ്രായപ്പെട്ടു.