ന്യൂഡല്‍ഹി: ഭൂട്ടാന്‍ പ്രധാനമന്ത്രി ലോട്ടായ് ഷെറിങ് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുമായി കൂടിക്കാഴ്ച നടത്തി. ഉഭയകക്ഷി ബന്ധം മെച്ചപ്പെടുത്തുന്നതിന്റെ ഭാഗമായായിരുന്നു സന്ദര്‍ശനം.
ഡല്‍ഹിയിലെ ഒരു ഹോട്ടലിലായിരുന്നു കൂടിക്കാഴ്ച. ഭൂട്ടാന്‍ പ്രധാനമന്ത്രിയുമൊത്തുള്ള നിമിഷങ്ങള്‍ ഏറെ പ്രാധാന്യമര്‍ഹിക്കുന്നതായിരുന്നുവെന്ന് രാഹുല്‍ ട്വിറ്ററില്‍ കുറിച്ചു. രാഷ്ട്രീയ വിഷയങ്ങളും പൊതുതാല്‍പര്യങ്ങള്‍ മുന്‍നിര്‍ത്തിയുള്ള മറ്റ് വിഷയങ്ങളുമായിരുന്നു ചര്‍ച്ച ചെയ്തതെന്നും ഭാവിയിലും ഇത്തരം കൂടിക്കാഴ്ചകള്‍ ഉണ്ടാകുമെന്നാണ് പ്രതീക്ഷയെന്നും രാഹുല്‍ പറഞ്ഞു.