തളിപ്പറമ്പ്: പന്ത്രണ്ടു വയസുകാരിയെ പീഡിപ്പിച്ച മധ്യവയസ്‌കന്‍ പൊലിസ് പിടിയില്‍. പരിയാരം അരിപ്പാമ്പ്ര സ്വദേശിയായ രമേശന്‍(40) രണ്ടാംഭാര്യയുടെ അടുത്ത ബന്ധുവിന്റെ മകളെയാണ് പീഡനത്തിനിരയാക്കിയത്. വിവരമറിഞ്ഞ നാട്ടുകാര്‍ പ്രതിയെ കൈകാര്യം ചെയ്തു. പരുക്കേറ്റ രമേശന്‍ താലൂക്ക് ആശുപത്രിയില്‍ പൊലിസ് കസ്റ്റഡിയിലാണ്. കഴിഞ്ഞ രണ്ട് വര്‍ഷമായി രമേശന്‍ പെണ്‍കുട്ടിയെ പീഡിപ്പിക്കാറുണ്ടായിരുന്നു. കഴിഞ്ഞ ദിവസം സ്‌കൂളില്‍ ചൈല്‍ഡ്‌ലൈന്‍ നടത്തിയ കൗണ്‍സിലിങിലാണ് പെണ്‍കുട്ടി പീഡനവിവരം പറഞ്ഞത്. ഉടന്‍ തന്നെ വിവരം തളിപ്പറമ്പ് പൊലിസില്‍ അറിയിച്ചു. പെണ്‍കുട്ടിയുടെ നാട്ടില്‍ തെളിവെടുപ്പിന് ചൈല്‍ഡ്‌ലൈന്‍ അധികൃതര്‍ എത്തിയപ്പോഴാണ് വിവരമറിഞ്ഞ നാട്ടുകാര്‍ പ്രതിയെ കൈകാര്യം ചെയ്യ്ത്. താലൂക്കാശുപത്രിയില്‍ പ്രതിയുടെ വാര്‍ഡിന് പുറത്ത് പൊലിസ് കാവല്‍ ഏര്‍പ്പെടുത്തിയിട്ടുണ്ട്. ഇയാള്‍ക്കെതിരേ പോക്‌സോ നിയമപ്രകാരം കേസെടുത്തു.