ബീജിങ്: ലോകത്തിലെ ഏറ്റവും വേഗതയേറിയ ബുള്ളറ്റ് ട്രെയിനിനു ചൈനയില്‍ വീണ്ടും ഉയിര്‍ത്തെഴുന്നേല്‍പ്പ്. 2011ലുണ്ടായ ബുള്ളറ്റ് ട്രെയിന്‍ അപകടത്തെ തുടര്‍ന്ന് രാജ്യത്ത് ഇത്തരം ട്രെയിനുകളുടെ സര്‍വീസ് താല്‍ക്കാലികമായി നിര്‍ത്തിവച്ചിരിക്കുകയായിരുന്നു. ഇതാണ് ഇപ്പോള്‍ വീണ്ടും പുനരാരംഭിക്കുന്നത്. മണിക്കൂറില്‍ 300 കി.മീറ്റര്‍ വേഗതയിലാണ് ഇവയുടെ യാത്ര.

അടുത്തിടെ പരീക്ഷണാര്‍ഥം ഈ റൂട്ടിലൂടെ ട്രെയിനുകള്‍ കടത്തിവിട്ടിരുന്നു. സെപ്തംബര്‍ 21 മുതല്‍ ഈ പാതയിലൂടെ യാത്രകള്‍ക്ക് ഏഴ് ബുള്ളറ്റ് ട്രെയിനുകള്‍ക്കാണ് സര്‍ക്കാര്‍ അനുമതി നല്‍കിയിരിക്കുന്നത്.

2011 ജൂലൈ 23ന് യോങ്‌തെയ്‌വന്‍ റെയില്‍വേ ലൈനിലാണ് അപകടമുണ്ടായത്. അപകടത്തില്‍ 40 പേര്‍ മരണപ്പെടുകയും 192 പേര്‍ക്ക് പരുക്കേല്‍ക്കുകയും ചെയ്തിരുന്നു.