മലപ്പുറം: താനൂരിൽ നിന്ന് നാടുവിട്ട രണ്ട് പ്ലസ് ടു വിദ്യാർത്ഥിനികൾക്കൊപ്പം യാത്ര ചെയ്ത യുവാവിനെ പൊലീസ് അറസ്റ്റ് ചെയ്തു. എടവണ്ണ സ്വദേശി ആലുങ്ങൽ അക്ബർ റഹീം (26) എന്നയാളെയാണ് താനൂർ പൊലീസ് കസ്റ്റഡിയിലെടുത്തത്. പെൺകുട്ടികളുടെ മൊഴിയുടെ അടിസ്ഥാനത്തിൽ ഇയാൾക്കെതിരെ രണ്ട് വകുപ്പുകൾ പ്രകാരം കേസെടുത്തിട്ടുണ്ട്.

പ്രായപൂർത്തിയാകാത്ത കുട്ടികളെ തട്ടിക്കൊണ്ടുപോകൽ, പോക്സോ ആക്റ്റ് പ്രകാരമുള്ള മൊബൈൽ ഫോൺ ഉപയോഗിച്ച് പിന്തുടരൽ എന്നിവയാണ് പ്രതിക്കെതിരെ ചുമത്തിയിരിക്കുന്ന കുറ്റങ്ങൾ.

പെൺകുട്ടികൾ മുംബൈയിലെ ബ്യൂട്ടിപാർലറിലെത്തിയത് യാദൃശ്ചികമായിരുന്നുവെന്ന് അന്വേഷണത്തിൽ പൊലീസ് കണ്ടെത്തി. അതേസമയം, താനൂരിൽ നിന്ന് നാടുവിട്ട ഇവരെ പൂനെയിൽ നിന്ന് കണ്ടെത്തിയതോടൊപ്പം, പെൺകുട്ടികളുടെ മൊഴിയെടുപ്പ് പൂർത്തിയായതായും പൊലീസ് അറിയിച്ചു.

ബുധനാഴ്ച വൈകീട്ട് 6നാണ് പെണ്‍കുട്ടികളെ കാണാതായ വിവരം ലഭിച്ചത്. ഉടന്‍ തന്നെ പൊലിസ് സജീവമായി ഇടപെട്ടു. കുട്ടികളുടെ പക്കലുണ്ടായിരുന്ന മൊബൈല്‍ ഫോണ്‍ ടവര്‍ ലൊക്കേഷന്‍ ട്രാക്ക് ചെയ്യാന്‍ സാധിച്ചത് നിര്‍ണായകമായി.

പെണ്‍കുട്ടികള്‍ സ്വമേധയാ പോയതാണെന്നാണ് രക്ഷിതാക്കളും പറയുന്നത്. നാട്ടില്‍ എത്തിച്ചശേഷം കുട്ടികളെ കോടതിയില്‍ ഹാജരാക്കും. തുടര്‍ന്ന് കൗണ്‍സലിങ്ങിന് വിധേയമാക്കും. ഒപ്പമുണ്ടായിരുന്നയാളെയും ചോദ്യം ചെയ്യും.
കൂട്ടായ പരിശ്രമത്തിന്റെ ഭാഗമായാണ് അന്വേഷണം വിജയകരമായി പൂര്‍ത്തീകരിക്കാന്‍ സാധിച്ചതെന്നും കുട്ടികളെ കണ്ടെത്തുന്നതിനായി മലയാളി സമാജവും മാധ്യമങ്ങളും വളരെയേറെ സഹായിച്ചതായി മലപ്പുറം എസ്.പി പറഞ്ഞു.

മലപ്പുറം എസ്.പി ആര്‍. വിശ്വനാഥിന്റെ നേതൃത്വത്തില്‍ താനൂര്‍ ഡിവൈ.എസ്.പി പ്രമോദ്, താനൂര്‍ ഇന്‍സ്പെക്ടര്‍ ടോണി ജെ. മറ്റം, സബ് ഇന്‍സ്പെക്ടര്‍മാരായ സുജിത്, പ്രമോദ്, എ.എസ്.ഐ സലേഷ്, സജിനി, സി.പി.ഒമാരായ സക്കീര്‍ , ഷമീര്‍, രമ്യ, പ്രശോഭ്, രാജേഷ്, പ്രകാശന്‍ എന്നിവരടങ്ങിയ അന്വേഷണസംഘമാണ് മുംബൈ പൊലിസിന്റെയും മുംബൈ മലയാളി സമാജത്തിന്റെയും സഹായത്തോടെ വളരെ പെട്ടെന്ന് കുട്ടികളെ കണ്ടെത്തിയത്.

അതേസമയം, വിദ്യാര്‍ഥിനികളെ നാടുവിടാന്‍ സഹായിച്ച മുംബൈയില്‍ നിന്ന് മടങ്ങിയ അസ് ലം റഹീമിനെ കസ്റ്റഡിയിലെടുത്തു. ഇരുവരുടെയും സുഹൃത്താണ് റഹീം. ഒപ്പം പോയ ഇയാള്‍ യാത്രയ്ക്കു സഹായം നല്‍കിയതായാണു കരുതുന്നത്. ഇയാളെ സോഷ്യല്‍ മീഡിയ വഴി പരിചയപ്പെട്ടതാണെന്നാണ് കരുതുന്നത്.

The police have arrested a young man who was travelling with two plus two female students who had left the country from Tanur. The Tanur police have taken into custody Alungal Akbar Rahim (26), a native of Edavanna. Based on the statements of the girls, a case has been registered against him under two sections.