നഗരത്തിലെ പ്രധാന കേന്ദ്രമായ കച്ചേരിത്താഴത്തെ മീഡിയനുകളില്‍ റിഫഌര്‍ ബോര്‍ഡ് സ്ഥാപിക്കാത്തതിനാല്‍ അപകടങ്ങള്‍ തുടര്‍ക്കഥയാകുകയായിരുന്നു
മൂവാറ്റുപുഴ: മൂവാറ്റുപുഴ നഗരത്തിലെ അപകട മീഡിയനുകളില്‍ റിഫ്‌ളക്‌സ് ലൈറ്റുകള്‍ സ്ഥാപിച്ച് പൗരസമിതിയും പോലീസും.
നഗരത്തിലെ പ്രധാന കേന്ദ്രമായ കച്ചേരിത്താഴത്തെ മീഡിയനുകളില്‍ റിഫ്‌ലക്ടര്‍ ബോര്‍ഡ് സ്ഥാപിക്കാത്തതിനാല്‍ അപകടങ്ങള്‍ തുടര്‍ക്കഥയാകുകയായിരുന്നു.
മിഡിയനുകള്‍ ഉയരമില്ലാത്തതും റിഫ്‌ളക്ടര്‍ ബോര്‍ഡ് ഇല്ലാത്തതുമാണ് അപകടങ്ങള്‍ക്ക് കാരണമാകുന്നത്. കഴിഞ്ഞ ഒരാഴ്ചക്കുള്ളില്‍ ആറോളും അപകടങ്ങള്‍ ഇവിടെ ഉണ്ടായി.
വാഹനം അടുത്ത് വരുമ്പോള്‍ മാത്രമാണ് മീഡിയന്‍ ശ്രദ്ധയില്‍ പെടുന്നത് ഉടന്‍ ബ്രേക്ക് ചെയ്യുന്നതോടെ വണ്ടി മീഡിയനില്‍ ഇടിച്ചു മറിയുന്നത് പതിവാണ്. തൊട്ടടുത്ത് ബസ്റ്റ് സ്റ്റോപ്പ് ഉള്ളതിനാല്‍ അപകട സാദ്ധ്യത കൂടുതലാണ്.
അപകടമൊഴിവാക്കുന്നതിനായി മൂവാറ്റുപുഴ മേഖല പൗരസമതിയും മൂവാറ്റുപുഴ പൊലീസും സംയുക്തമായി മീഡിയനില്‍ റിഫ്‌ലക്ടര്‍ സ്ഥാപിച്ചു.
റിഫ്‌ളക്ടര്‍ ബോര്‍ഡ് സ്ഥാപിക്കുന്നതിന്റെ ഉദ്ഘാടനം മൂവാറ്റുപുഴ മേഖല പൗരസമതി പ്രസിഡന്റ് നജീര്‍ ഉപ്പൂട്ടുങ്കല്‍ നിര്‍വ്വഹിച്ചു.