കൈറോ: ഈജിപ്തിലെ സിനായ് ഉപദ്വീപില്‍ ഐ.എസ് നടത്തിയ ഒളിയാക്രമണത്തില്‍ 18 സൈനികര്‍ കൊല്ലപ്പെട്ടു. ഈ വര്‍ഷത്തെ ഏറ്റവും വലിയ ഐ.എസ് ആക്രമണമാണിത്. ഏഴു പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.

സൈനികരും പൊലിസുകാരും സഞ്ചരിച്ച വാഹന വ്യൂഹത്തിനു നേരെയാണ് ആക്രമണമുണ്ടായത്. വാഹനങ്ങള്‍ കടന്നുപോകുമ്പോള്‍ റോഡിന്റെ വശങ്ങളില്‍ നിന്ന് ബോംബുകള്‍ പൊട്ടിത്തെറിക്കുകയായിരുന്നു. തുടര്‍ന്ന് ഭീകരര്‍ വെടിയുതിര്‍ക്കുകയും ചെയ്തു.

ആക്രമണത്തിന്റെ ഉത്തരവാദിത്തം ഐ.എസ് സ്ഥിരീകരിച്ചിട്ടുണ്ട്. വെബ്‌സൈറ്റിലൂടെയാണ് അവര്‍ ഇക്കാര്യം ഏറ്റെടുത്തത്.