കണ്ണൂര്‍: ഐ.സില്‍ ചേര്‍ന്നതായി കരുതപ്പെടുന്ന കണ്ണൂര്‍ സ്വദേശി സിറിയയില്‍ കൊല്ലപ്പെട്ടതായി വിവരം ലഭിച്ചു. കൂടാളിയിലെ ഷജില്‍(36) സിറിയയില്‍ കൊല്ലപ്പെട്ടതായിട്ടാണ് രഹസ്യാന്വേഷണ വിഭാഗത്തിന് വിവരം ലഭിച്ചിരിക്കുന്നത്. ഷജില്‍ മരിച്ചതായി കൂടാളിയിലെ ബന്ധുക്കള്‍ക്കും വിവരമെത്തിയിട്ടുണ്ട്.
ആറ് മാസമായി ഷജില്‍ ഐ.എസ് ക്യാംപിലുണ്ടായിരുന്നതായി നേരത്തെ പൊലിസിനു വിവരം ലഭിച്ചിരുന്നു. സിറിയന്‍ സൈന്യവുമായുള്ള ഏറ്റുമുട്ടലിലാണ് മരണമെന്നാണ് ലഭ്യമായ വിവരം. ഐ.എസില്‍ ചേര്‍ന്ന 14 മലയാളികള്‍ സിറിയയില്‍ വച്ച് കൊല്ലപ്പെട്ടതായി വാര്‍ത്തയുണ്ടായിരുന്നു.