കൊടുങ്ങല്ലൂര്‍: നഗരത്തില്‍ തണല്‍മരം കടപുഴകി വീണ് ബൈക്ക് യാത്രികരായ സഹോദരങ്ങള്‍ക്ക് പരൂക്കേറ്റു.
കൊടുങ്ങല്ലൂര്‍ ശൃംഗപുരം സ്വദേശികളായ നങ്ങൂര്‍ വീട്ടിിിില്‍ ബാബുവിന്റെ മക്കളായ എബിന്‍ (28), അരുണ്‍ (23) എന്നിവര്‍ക്കാണ് പരിക്കേറ്റത്. തലയ്ക്ക് സാരമായി മുറിവേറ്റ ഇരുവരെയും എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഉച്ചതിരിഞ്ഞ് 3 മണിയോടെയായിരുന്നു സംഭവം. തെക്കെ നടയില്‍ ശ്രീകാളീശ്വരി തിയ്യേറ്ററിനു തെക്കുവശം റോഡരികിലെ തണല്‍മരം കടപുഴകി വീഴുകയായിരുന്നു. ബുള്ളറ്റില്‍ സഞ്ചരിക്കുകയായിരുന്ന യുവാക്കളുടെ ദേഹത്താണ് മരം വീണത്. അപകടത്തെ തുടര്‍ന്ന് ഇതുവഴിയുള്ള വാഹന ഗതാഗതം ഏറെ നേരം തടസ്സപ്പെട്ടു. പിന്നീട് ഫയര്‍ഫോഴ്‌സും നാട്ടുകാരും ചേര്‍ന്ന് മരം വെട്ടി നീക്കി.