ന്യൂഡല്‍ഹി: ഡല്‍ഹിയില്‍ ചരിത്രത്തിലാദ്യമായി ബൃഹത്തായ ചിത്രശലഭ സര്‍വേ നടത്തി. സര്‍വേയില്‍ വിവിധ തരം ചിത്രശലഭങ്ങളെ കണ്ടെത്തി. ചിത്രശലഭ സ്‌നേഹ കൂട്ടായ്മയാണ് സര്‍വേ നടത്തിയത്. ക്യാമറയുമായി ഡല്‍ഹിയുടെ വിവിധ ഭാഗങ്ങളില്‍ കറങ്ങി ഫോട്ടോ എടുത്താണ് ഇവ ശേഖരിച്ചത്.

സെപ്റ്റംബര്‍ ചിത്രശലഭ മാസമായി ആചരിക്കുന്നതിന്റെ ഭാഗമായാണ് സര്‍വേ നടത്തിയത്. വ്യത്യസ്ത രൂപത്തിലും ഭംഗിയിലുമുള്ള നിരവധി ചിത്രശലഭങ്ങളെ ഇവര്‍ കണ്ടെത്തി. ബോംബെ നാച്ചുറല്‍ ഹിസ്റ്ററി സൊസൈറ്റിയുടെ ഡല്‍ഹി ഘടകവുമായി ചേര്‍ന്നാണ് സര്‍വേ നടത്തിയത്. സര്‍വേ ഫലം 23ന് പുറത്തുവിടും.