HOME
DETAILS

സ്ഥാന മാറ്റത്തിനു പിന്നാലെ പേരു മാറ്റവും; ട്വിറ്ററില്‍ പേര് മാറ്റാനൊരുങ്ങി രാഹുല്‍

  
backup
October 19 2017 | 03:10 AM

national19-10-17rahul-twitter

ന്യൂഡല്‍ഹി: കോണ്‍ഗ്രസ് അധ്യക്ഷസാഥാനത്തേക്കെത്തുമെന്ന വാര്‍ത്തകള്‍ പ്രചരിക്കുന്നതിനിടെ ട്വിറ്ററില്‍ 'പേരു' മാറ്റാനൊരുങ്ങി രാഹുല്‍ ഗാന്ധി. നിലവില്‍ കോണ്‍ഗ്രസ് ഉപാധ്യക്ഷനായ രാഹുലിന്റെ ട്വിറ്റര്‍ അക്കൗണ്ട് 'ഓഫീസ് ഓഫ് ആര്‍ ജി' (Office of RG) എന്ന പേരിലാണ്. ഇത് കുറച്ചു കൂടി ലളിതമാക്കാനാണ് രാഹുലിന്റെ നീക്കം. രാഹുല്‍ എന്നോ രാഹുല്‍ ഗാന്ധിയെന്നോ ആയിരിക്കും പുതിയ അക്കൗണ്ടെന്നാണ് റിപ്പോര്‍ട്ട്.

പ്രധാനമന്ത്രി നരേന്ദ്രമോദിയുടെ ട്വിറ്റര്‍ സാന്നിധ്യത്തിന് വെല്ലുവിളി ഉയര്‍ത്താനാണ് രാഹുലിന്റെ നീക്കമെന്നും സൂചനയുണ്ട്.

ബി.ജെ.പിക്കും കേന്ദ്ര സര്‍ക്കാരിനുമെതിരെ ആക്ഷേപഹാസ്യവും വിമര്‍ശനവും കൊണ്ട് ശ്രദ്ധേയമാണ് ഈയിടെ രാഹുലിന്റെ ട്വീറ്റുകള്‍. രാഹുലിന്റെ ട്വീറ്റുകള്‍ക്ക് മുമ്പത്തെക്കാള്‍ ഇപ്പോള്‍ ആരാധകരും ഏറെയാണ്. കഴിഞ്ഞ ദിവസം ജെയ് ഷാ വിവാദത്തില്‍ വൈ ദിസ് കൊല വെറി ഡാ എന്ന ട്വീറ്റ് ജനശ്രദ്ധ പിടിച്ചു പറ്റിയിരുന്നു.

നിലവില്‍ സോഷ്യല്‍ മീഡിയയിലൂടെയുള്ള രാഹുലിന്റെ ആശയവിനിമയം കൈകാര്യം ചെയ്യുന്നത് കന്നഡ നടിയും രാഷ്ട്രീയ പ്രവര്‍ത്തകയുമായ ദിവ്യ സ്പന്ദനയാണ്. 37 ലക്ഷത്തിലധികം ആളുകളാണ് നിലവില്‍ ഓഫീസ് ഓഫ് ആര്‍ ജി എന്ന അക്കൗണ്ടിനെ പിന്തുടരുന്നത്. മൂന്നുകോടിയലധികം ആളുകളാണ് നരേന്ദ്രമോദിയെ പിന്തുടരുന്നത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."