ആലപ്പുഴ: മന്ത്രി തോമസ് ചാണ്ടിയുടെ നിയമലംഘനങ്ങളെക്കുറിച്ച് അന്വേഷിക്കുന്ന ആലപ്പുഴ ജില്ലാ കളക്ടര്‍ ടി.വി അനുപമ ഇന്ന് സര്‍ക്കാരിന് അന്തിമറിപ്പോര്‍ട്ട് സമര്‍പ്പിക്കും. കളക്ടര്‍ ആദ്യം സമര്‍പ്പിച്ച റിപ്പോര്‍ട്ട് പൂര്‍ണമല്ലെന്ന കാരണത്താല്‍ സര്‍ക്കാര്‍ തള്ളിയിരുന്നു.

സര്‍ക്കാര്‍ ഭൂമിയില്‍ മണ്ണിട്ടുയര്‍ത്തിയെന്ന് തോമസ്ചാണ്ടി തന്നെ തുറന്ന് സമ്മതിച്ച മാര്‍ത്താണ്ഡം കായലിലടക്കം നടന്ന നിയമലംഘനങ്ങളും അന്തിമറിപ്പോര്‍ട്ടിന്റെ ഭാഗമായുണ്ട്.

നിലം നികത്തിയാണ് ലേക്ക് പാലസ് റിസോര്‍ട്ടിന്റെ പാര്‍ക്കിങ് സ്ഥലം നിര്‍മിച്ചതെന്ന് പ്രാഥമിക റിപ്പോര്‍ട്ടില്‍ ജില്ലാ കലക്ടര്‍ കണ്ടെത്തിയിരുന്നു. എന്നാല്‍, ഈ ഭൂമി തങ്ങള്‍ പാട്ടത്തിനെടുത്തതാണെന്ന നിലപാടിലാണ് മന്ത്രിയുടെ കമ്പനി.

മന്ത്രിയുടെ സഹോദരിയുടെ ഭൂമിയാണിതെന്ന് തെളിയിക്കുന്ന രേഖകളും വാട്ടര്‍വേള്‍ഡ് കമ്പനി അധികൃതര്‍ കലക്ടര്‍ നടത്തിയ തെളിവെടുപ്പില്‍ സമര്‍പ്പിച്ചിരുന്നു.