ആലപ്പുഴ: നെഹ്‌റുട്രോഫി ജലോത്സവത്തിന്റെ മനോഹാരിത  വരച്ചിടുന്നതായി ചിട്ടയോടെയുളള മാസ്ഡ്രില്‍. അച്ചടക്കത്തോടെ ഒരേ പോലെ നിരന്ന വളളങ്ങളിലെ തുഴച്ചില്‍കാര്‍  തുഴകള്‍ ഇരുഭാഗങ്ങളിലേയ്ക്കും ചിറകുവിരിച്ച പോലെ ഉയര്‍ത്തി പട്ടാളചിട്ടയില്‍ ഒരേ താളത്തില്‍ മാറിമറിയുന്ന നയനാന്ദകരമായ കാഴ്ചയൊരുക്കിയാണ് മാസ്ഡ്രില്‍ വിശിഷ്ടാതിഥികളുടെയെല്ലാം മനം കവര്‍ന്നത്.
സംസ്ഥാനത്ത് നടക്കുന്ന ചെറുതും വലുതുമായ ജലോത്സവങ്ങളില്‍ നെഹ്‌റുട്രോഫി ജലോത്സവത്തിനുളള പ്രത്യേകതയാണ് മാസ്ഡ്രില്‍. അത് മനോഹരമാക്കുവാന്‍ മുന്‍വര്‍ഷങ്ങളെപ്പോലെ ഇത്തവണയും കഴിഞ്ഞു.
എല്ലാവളളങ്ങളിലേയും തുഴച്ചില്‍കാര്‍ക്ക് ഗവര്‍ണര്‍  ജസ്റ്റിസ് പി സദാശിവം അഭിവാദ്യം അര്‍പ്പിക്കുകയും ആശംസ നേരുകയും ചെയ്തു.