തിരുവനന്തപുരം: അവയവദാന ബോധവല്‍ക്കരണ പരിപാടിയുടെ ഭാഗമായുള്ള കൂട്ട നടത്തം കവടിയാര്‍ സ്‌ക്വയറില്‍ ഡി.ജി.പി ലോകനാഥ് ബെഹ്‌റ ഫ്‌ളാഗോഫ് ചെയ്തു. മരണാന്തര അവയവദാന പദ്ധതിയായ കേരള നെറ്റ്‌വര്‍ക്ക് ഫോര്‍ ഓര്‍ഗണ്‍ ഷെയറിങ് അഥവാ മൃതസഞ്ജീവനിയും കിംസ് ആശുപത്രിയും സംയുക്തമായാണ് കൂട്ടനടത്തം സംഘടിപ്പിച്ചത്.മൃതസഞ്ജീവനി നോഡല്‍ ഓഫിസര്‍ ഡോ. നോബിള്‍ ഗ്രേഷ്യസ്, കിംസ് ആശുപത്രി ചെയര്‍മാനും മാനേജിങ് ഡയരക്ടറുമായ ഡോ. സഹദുല്ല, എക്‌സിക്യുട്ടീവ് ചെയര്‍മാന്‍ ഡോ. ഇ.എം നജീബ് എന്നിവര്‍ പരിപാടിയില്‍ പങ്കെടുത്തു.