സിയൂള്‍: മിസൈല്‍ പരീക്ഷണത്തിന് പിന്നാലെ ഉത്തരകൊറിയക്കെതിരേ ഭീഷണിയുമായി അമേരിക്ക. പുതിയ പരീക്ഷണങ്ങള്‍ യുദ്ധത്തിലേക്ക് നയിച്ചാല്‍ ഉ.കൊറിയയെ തകര്‍ക്കുമെന്ന് യു.എസ് അംബാസഡര്‍ നിക്കി ഹാലെ മുന്നറിയിപ്പ് നല്‍കി. യു.എന്‍ സുരക്ഷാ കൗണ്‍സില്‍ യോഗത്തില്‍ സംസാരിക്കുകയായിരുന്നു അവര്‍. ഉ.കൊറിയയുമായി യു.എസ് ഇപ്പോഴും യുദ്ധം ആഗ്രഹിക്കുന്നില്ല. കഴിഞ്ഞ ദിവസത്തെ ഉ.കൊറിയയുടെ പ്രവൃത്തികളില്‍ നിന്ന് യുദ്ധം അനിവാര്യമായാല്‍ അവരുടെ ഭരണകൂടത്തെ തകര്‍ത്തെറിയുകയല്ലാതെ അമേരിക്കയ്ക്ക് മുന്നില്‍ മറ്റ് വഴികളില്ലെന്നും ഹാലെ പറഞ്ഞു.
അതേസമയം ഉ.കൊറിയയിലേക്കുള്ള എണ്ണ കയറ്റുമതി ചെയ്യുന്നത് അവസാനിപ്പിക്കണമെന്ന് അമേരിക്ക ചൈനയോട് ആവശ്യപ്പെട്ടിട്ടുണ്ടെന്നും അവര്‍ കൂട്ടിച്ചേര്‍ത്തു.