കുവൈത്ത് സിറ്റി: റോഡ് നവീകരണ പ്രവർത്തനങ്ങളുടെ ഭാഗമായി അറേബ്യൻ ഗൾഫ് സ്ട്രീറ്റ് (Arabian Gulf Street) ഭാഗികമായി അടച്ചിടുമെന്ന് അധികൃതർ അറിയിച്ചു. കുവൈത്ത് എഞ്ചിനീയേഴ്‌സ് സൊസൈറ്റിക്ക് സമീപമുള്ള ഇന്റർസെക്ഷൻ മുതൽ അമീരി ഹോസ്പിറ്റലിലേക്കുള്ള കവല വരെയാണ് റോഡ് അടച്ചിടുക.

അടച്ചിടുന്നത് ഈ സമയങ്ങളിൽ

ഇന്ന് 2025 (ഡിസംബർ 4) വൈകുന്നേരം 6:00 മണിക്ക് അടച്ചിടൽ പ്രാബല്യത്തിൽ വരും. ഇത് ഞായറാഴ്ച (2025 ഡിസംബർ 7) പുലർച്ചെ 6:00 മണി വരെ തുടരും.

ALSO READ: കുവൈത്തില്‍ ലൈസന്‍സില്ലാത്ത കറന്‍സി എക്‌സ്‌ചേഞ്ച് ചെയ്യേണ്ട; ലഭിക്കുക കനത്ത പിഴ

നിർമ്മാണ പ്രവർത്തനങ്ങൾ നടക്കുന്ന ഈ മേഖലയിലെ കടലോര പ്രദേശങ്ങളും (seafront areas) അടച്ചിടുന്ന പരിധിയിൽ ഉൾപ്പെടും. പ്രദേശത്ത് നടക്കുന്ന വികസന, പ്രവർത്തനങ്ങളുമായി ബന്ധപ്പെട്ടുള്ള നിയന്ത്രണങ്ങളുടെ ഭാഗമായാണ് ഈ ഗതാഗത പരിഷ്കരണം.

ബദൽ മാർ​ഗങ്ങകൾ ഉപയോഗിക്കുക

റോഡ് അടച്ചിടുന്ന സമയത്ത് റോഡ് ഉപയോക്താക്കൾ ബദൽ റൂട്ടുകൾ ഉപയോഗിക്കണമെന്ന് ട്രാഫിക് ആൻഡ് ഓപ്പറേഷൻസ് സെക്ടർ അധികൃതർ അഭ്യർത്ഥിച്ചു. ഗതാഗതക്കുരുക്ക് ഒഴിവാക്കാനും സുഗമമായ യാത്ര ഉറപ്പാക്കാനും ട്രാഫിക് ഉദ്യോഗസ്ഥരുമായി സഹകരിക്കണമെന്നും, ട്രാഫിക് നിർദ്ദേശങ്ങൾ പാലിക്കണമെന്നും അധികൃതർ പൊതുജനങ്ങളോട് ആവശ്യപ്പെട്ടു.

Authorities have announced the partial closure of Arabian Gulf Street in Kuwait City for road upgrade works, affecting traffic flow from the intersection near Kuwait Engineers Society to Amiri Hospital junction.