ഫുട്‌ബോളെന്നത് രാത്രികാലത്തേക്ക് ഒതുങ്ങി. ലൈറ്റുകള്‍ തെളിയിച്ച് ഏഴുപേരും അഞ്ചുപേരും അടങ്ങുന്ന കളികള്‍ നടത്തി ഇതാണ് ഫുട്‌ബോളെന്ന് പുതിയ തലമുറക്ക് പരിചയപ്പെടുത്തി. ഇതു തടയാന്‍ അസോസിയേഷന് കഴിയുന്നില്ല.
ഫുട്‌ബോള്‍ കളിയെ കുറിച്ച് നല്ല വിവരമുള്ളവര്‍ അസോസിയേഷനില്‍ എത്തുന്നില്ലയെന്ന വാദമാണ് കേരളാ പൊലിസ് മുന്‍ ഫുട്‌ബോള്‍ പരിശീലകനായ പി. കുഞ്ഞികൃഷ്ണന്. മൈതാനങ്ങളുടെ അഭാവം കളിയെ തളര്‍ത്തിയിട്ടുണ്ട്.
മുന്‍പൊക്കെ ചെറിയ മൈതാനങ്ങളായാലും വൈകുന്നേരങ്ങളില്‍ ഇരുപതും മുപ്പതും അടങ്ങുന്ന കുട്ടികളാണ് ഫുട്‌ബോള്‍ കളിച്ചിരുന്നത്. ഇവരില്‍ പലരും സംസ്ഥാനതലത്തിലും ദേശീയതലത്തിലും അറിയപ്പെട്ടു.