ബംഗളുരു: ഇലക്ടോണിക് വോട്ടിങ് യന്ത്രങ്ങളെക്കുറിച്ച് സംശയം ഉയരുന്ന സാഹചര്യത്തില്‍ കര്‍ണാടക നിയമസഭാ തെരഞ്ഞെടുപ്പില്‍ ബാലറ്റ് പേപ്പര്‍ മതിയെന്ന് മുഖ്യമന്ത്രി സിദ്ധരാമയ്യ. ഈ ആവശ്യം ഉന്നയിച്ച് തെരഞ്ഞെടുപ്പ് കമ്മിഷനെ സമീപിക്കുമെന്നും അദ്ദേഹം പറഞ്ഞു.

വോട്ടിങ് മെഷീന്‍ ഉപയോഗിച്ചാല്‍ കൃത്രിമം നടത്താന്‍ സാധ്യതയുണ്ട്. തെരഞ്ഞെടുപ്പ് കമ്മിഷന്‍ ബി.ജെ.പിയുടെ കീഴിലാണ് പ്രവര്‍ത്തിക്കുന്നത്. കമ്മിഷന്‍ സ്വതന്ത്ര സ്ഥാപനമാണെങ്കിലും സര്‍ക്കാരാണ് മുഖ്യ തെരഞ്ഞെടുപ്പ് കമ്മിഷണറെ നിയമിക്കുന്നതെന്നത് നിര്‍ണായകമാണെന്നും സിദ്ധരാമയ്യ പറഞ്ഞു. ബാലറ്റിലേക്ക് മടങ്ങാന്‍ എന്താണിത്ര ബുദ്ധിമുട്ടെന്നും അദ്ദേഹം ചോദിച്ചു.