വാണിയംകുളം: കിങ് ഫൈസല്‍ അവാര്‍ഡ് ജേതാവും പ്രശസ്ത അറബി ഗ്രന്ഥകര്‍ത്താവുമായ അബുല്‍ ഹസന്‍ അലി നദ്‌വി രചിച്ച ഖസസുന്നബിയുടെ പ്രഥമ മലയാള വിവര്‍ത്തനം ഇന്ന് പ്രകാശനം ചെയ്യും. ജാമിഅ റഹീമിയ്യ രണ്ടാം വര്‍ഷ വിദ്യാര്‍ഥി ആശിഖ് കുരുവമ്പലമാണ് ഗ്രന്ഥം മലയാളത്തിലേക്ക് വിവര്‍ത്തനം ചെയ്തത്.
ഇതാദ്യമായണ് ഖസസുന്നബി മലയാളത്തിലേക്ക് വിവര്‍ത്തനം ചെയ്യുന്നത്. വിവര്‍ത്തനത്തിന്റെ കൈയെഴുത്ത് പ്രതി സമസ്ത കേന്ദ്ര മുശാവറ അംഗം നെല്ലായ കുഞ്ഞിമുഹമ്മദ് മുസ്‌ലിയാര്‍ പ്രകാശനം ചെയ്തിരുന്നു.
ഇന്ന് വാണിയംകുളത്ത് നടക്കുന്ന സമസ്ത സാരഥീ സംഗമത്തില്‍ പ്രിന്റ് കോപ്പിയുടെ പ്രകാശനം പാണക്കാട് ഹൈദരലി ശിഹാബ് തങ്ങള്‍ നിര്‍വഹിക്കും.
കുരുവമ്പലം സ്വദേശി വാരിയത്ത് പള്ളിയാലില്‍ സൈതാക്കുട്ടിയുടെയും സക്കീനയുടെയും മകനാണ്.