ഭദോഹി: യുപിയില്‍ ബിജെപി വനിതാ വിഭാഗം നേതാവ് കീടനാശി കഴിച്ച് ആത്മഹത്യ ചെയ്തു. ഭദോഹിയിലാണ് മഹിളാ മോര്‍ച്ചയുടെ ജില്ലാ ജനറല്‍ സെക്രട്ടറിയായ സവിത ഗൗതം ആത്മഹത്യ ചെയ്തത്.സവിത കീടനാശി കഴിച്ച വിവരമറിഞ്ഞെത്തിയ പൊലിസ്
വീടിന് സമീപം അബോധാവസ്ഥയില്‍ കണ്ടെത്തിയ സവിതയെ വീട്ടുകാര്‍ അടുത്തുള്ള സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. തുടര്‍ന്ന് വീട്ടുകാര്‍ മൃതദേഹം വീട്ടിലെത്തിച്ചെങ്കിലും പൊലീസ് ഇടപെട്ട് പോസ്റ്റ്‌മോര്‍ട്ടത്തിനായി ആശുപത്രിയില്‍ പ്രവേശിപ്പിച്ചു. ദമ്പതികള്‍ തമ്മില്‍ പലപ്പോഴും വഴക്കുണ്ടാകാറുണ്ടെന്നും അതാകാം മരണകാരണമെന്നും ബന്ധുക്കളെ ചോദ്യം ചെയ്തപ്പോള്‍ പറഞ്ഞതായി പൊലീസ് അറിയിച്ചു.

മരണത്തില്‍ മറ്റാര്‍ക്കും പങ്കില്ലെന്ന് എഴുതിയ കുറിപ്പ് മൃതദേഹത്തിന് സമീപത്തുനിന്ന് പൊലീസ് കണ്ടെടുത്തിട്ടുണ്ട്. ഫൊറന്‍സിക് സംഘം സ്ഥലത്തെത്തി അന്വേഷണം തുടങ്ങിയതായും പോസ്റ്റ്‌മോര്‍ട്ടം റിപ്പോര്‍ട്ട് കിട്ടിയ ശേഷം മാത്രമേ മരണകാരണം പറയാനാകൂവെന്നും പൊലീസ് പറഞ്ഞു. ആത്മഹത്യ കുറിപ്പിലെ കൈയക്ഷരം ഫൊറന്‍സിക് പരിശോധനക്ക് വിധേയമാക്കു?മെന്നും അദ്ദേഹം അറിയിച്ചു.