പട്ടിക്കാട് (ഫൈസാബാദ്): 2017 ജനുവരി നാല് മുതല്‍ എട്ട് വരെ നടക്കുന്ന പട്ടിക്കാട് ജാമിഅഃ നൂരിയ്യഃ അറബിയ്യയുടെ 54-ാം വാര്‍ഷിക 52-ാം സനദ്ദാന സമ്മേളനത്തിന് സയ്യിദ് ഹൈദരലി ശിഹാബ് തങ്ങള്‍ മുഖ്യ രക്ഷാധികാരിയും സയ്യിദ് സ്വാദിഖലി ശിഹാബ് തങ്ങള്‍ ചെയര്‍മാനുമായി സ്വാഗതസംഘം രൂപീകരിച്ചു. ഹാജി കെ. മമ്മദ് ഫൈസി ജനറല്‍ കണ്‍വീനറും ചെമ്മുക്കന്‍ കുഞ്ഞാപ്പു ഹാജി ട്രഷററുമാണ്.
സമസ്ത ജനറല്‍ സെക്രട്ടറി കെ ആലിക്കുട്ടി മുസ്‌ലിയാരുടെ അധ്യക്ഷതയില്‍ ചേര്‍ന്ന യോഗം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്തു. കോട്ടുമല ടി.എം ബാപ്പു മുസ്‌ലിയാര്‍, എം.കെ മൊയ്തീന്‍കുട്ടി മുസ്‌ലിയാര്‍, കെ.പി.സി തങ്ങള്‍ വല്ലപ്പുഴ, കുഞ്ഞിമുഹമ്മദ് മുസ്‌ലിയാര്‍ മാരായമംഗലം, പി. കുഞ്ഞാണി മുസ്‌ലിയാര്‍, വാക്കോട് മൊയ്തീന്‍കുട്ടി മുസ്‌ലിയാര്‍, പി. അബ്ദുല്‍ ഹമീദ് എം.എല്‍.എ, പിണങ്ങോട് അബൂബക്കര്‍, വി. മോയിമോന്‍ ഹാജി, എം.സി മായിന്‍ ഹാജി, കെ.സി അബ്ദുല്ല ഹാജി, പി. മാമുക്കോയ ഹാജി, നാലകത്ത് സൂപ്പി, എം.ടി കുഞ്ഞുട്ടി ഹാജി, എ. ഉമറുല്‍ ഫാറൂഖ്, പുത്തനഴി മൊയ്തീന്‍ ഫൈസി, റഹ്മാന്‍ ഫൈസി, ഹംസ റഹ്മാനി കൊണ്ടിപറമ്പ്, ഖാദര്‍ ഫൈസി കുന്നുംപുറം പങ്കെടുത്തു.