കോഴിക്കോട്: യൂത്ത് ലീഗ് ദേശീയ ജനറല്‍ സെക്രട്ടറി സി.കെ സുബൈര്‍ സ്ഥാനം
രാജിവെച്ചു. രാജിവെക്കാന്‍ ലീഗ് നേതൃത്വം ആവശ്യപ്പെട്ടതിനെതുടര്‍ന്നാണ് രാജിയെന്നാണറിയുന്നത്.

ദേശീയ അധ്യക്ഷന്‍ ഖാദര്‍ മെയ്തീന് രാജി സമര്‍പ്പിച്ചു. പാര്‍ട്ടി അച്ചടക്കം ലംഘിച്ചതിനെ തുടര്‍ന്നാണ് രാജി ആവശ്യപ്പെട്ടതെന്നാണ് വിശദീകരണം. കത്‌വ, ഉന്നാവോ ഇരകളുടെ കുടുംബത്തെ സഹായിക്കാന്‍ മുസ്‌ലിം യൂത്ത് ലീഗ് സമാഹരിച്ച ഫണ്ട് വിവാദത്തെ തുടര്‍ന്ന് ദേശീയ നേതൃത്വത്തിനെതിരേ ആരോപണമുയര്‍ന്നിരുന്നു. എന്നാല്‍ ഫണ്ട് വിവാദമാണോ രാജിക്കു പിന്നിലെന്ന് വ്യക്തമായിട്ടില്ല.