ഗൂഡല്ലൂര്‍: നിലമ്പൂര്‍ -ഗൂഡല്ലൂര്‍ അന്തര്‍സംസ്ഥാന പാതയിലെ ഗൂഡല്ലൂര്‍ മുതല്‍ താഴെ നാടുകാണി വരെയുള്ള റോഡ് തകര്‍ന്നു. 12 കിലോ മീറ്റര്‍ പാതയാണ് പാടെ തകര്‍ന്ന് ഗതാഗതം ദുഷ്‌കരമായിരിക്കുന്നത്. വലിയ ഗര്‍ത്തങ്ങളാണ് പലഭാഗത്തും പ്രത്യക്ഷപ്പെട്ടിരിക്കുന്നത്. ദിനംപ്രതി നൂറുക്കണക്കിന് വാഹനങ്ങളാണ് ഇതുവഴി സഞ്ചരിക്കുന്നത്. കര്‍ണാടകയില്‍ നിന്ന് കൊച്ചിയിലേക്ക് പോകുന്ന ചരക്ക് ലോറികളടക്കമുള്ള എല്ലാ വാഹനങ്ങളും ഇതുവഴിയാണ് സഞ്ചരിക്കുന്നത്. ധാരാളം ടൂറിസ്റ്റ് വാഹനങ്ങളും ദിനംപ്രതി ഈ പാതയിലൂടെ സഞ്ചരിക്കുന്നുണ്ട്. റോഡ് നന്നാക്കാന്‍ നടപടിയുണ്ടാകണമെന്നാണ് നാട്ടുകാരുടേയും യാത്രക്കാരുടേയും ആവശ്യം.