കൊണ്ടോട്ടി: അനധികൃത കെട്ടിട നിര്‍മാണം തടയാന്‍ നടപടി സ്വീകരിക്കുന്നില്ലെന്ന് ആരോപിച്ച് സി.പി.എം കുറുപ്പത്ത് ബ്രാഞ്ച് കമ്മിറ്റി നഗരസഭാ സെക്രട്ടറിയെ ഉപരോധിച്ചു.
നെടിയിരുപ്പില്‍ പഴയ കെട്ടിടം നവീകരിക്കുന്നുവെന്നും പുതിയ  കെട്ടിടത്തിന്റെ പ്രവൃത്തിയും നടക്കുന്നുണ്ട് പ്രവര്‍ത്തകര്‍ പറഞ്ഞു. ഇത് തടയുന്നതിനു നടപടികള്‍ സ്വീകരിക്കുന്നില്ലെന്ന് ആരോപിച്ചാണ് സി.പി.എം സെക്രട്ടറിയെ ഉപരോധിച്ചത്. കൊണ്ടോട്ടി നഗരസഭാ സെക്രട്ടറി അനില്‍കുമാറിനെയാണ് വെള്ളിയാഴ്ച്ച രാവിലെ  ഉപരോധിച്ചത്. വിഷയത്തില്‍ നടപടി സ്വീകരിക്കാമെന്ന് അധികൃതരുടെ ഉറപ്പിനെ തുടര്‍ന്ന്  ഉപരോധം അവസാനിപ്പിച്ചു.