എറണാകുളം: അനധികൃത ഫ്‌ളക്‌സ്‌ ബോര്‍ഡ് വിഷയത്തില്‍ സര്‍ക്കാരിന് മുന്നറിയിപ്പുമായി ഹൈക്കോടതി. ക്ഷമ ദൗര്‍ബല്യമായി കാണരുതെന്ന് സര്‍ക്കാരിന് ഹൈക്കോടതി മുന്നറിയിപ്പ് നല്‍കി. അനധികൃത ബോര്‍ഡുകള്‍ മാറ്റാന്‍ സര്‍ക്കാരിന് ഉദ്ദേശമില്ലേയെന്ന് കോടതി ചോദിച്ചു. കോടതിയെ പരിഹസിക്കുന്നത് പോലെ അനധികൃത ബോര്‍ഡുകളും എണ്ണം വര്‍ധിക്കുന്നുവെന്നും കോടതി പറഞ്ഞു.

വിഷയത്തില്‍ വ്യവസായ സെക്രട്ടറിക്കെതിരെയും കോടതി രൂക്ഷവിമര്‍ശനം ഉന്നയിച്ചു. സത്യവാങ്മൂലം സമര്‍പ്പിക്കാത്തതിനാണ് വിമര്‍ശനം. ഫഌ്‌സുകള്‍ നീക്കണമെന്ന് ഹൈക്കോടതി നിരന്തരം ആവശ്യപ്പെട്ടിരുന്നു. നഗരസഭാ സെക്രട്ടറിമാരെ വിളിച്ച് ഇക്കാര്യത്തില്‍ പരിഹാരം കാണണമെന്നും ഹൈക്കോടതി നിര്‍ദേശിച്ചിരുന്നു. എന്നിട്ടും സര്‍ക്കാര്‍ മെല്ലെപ്പോക്ക് തുടരുന്നതിനിടെയാണ് ഹൈക്കോടതിയുടെ വിമര്‍ശനം വരുന്നത്.