ചേളാരി
സമസ്ത കേരള ഇസ്‌ലാം മത വിദ്യാഭ്യാസ ബോർഡ് സമസ്ത ഓൺലൈൻ യൂട്യൂബ് ചാനലിൽ പൊതുജനങ്ങൾക്കു വേണ്ടി വെള്ളിയാഴ്ചകളിൽ നടത്തുന്ന 'തിലാവ' ഖുർആൻ പാരായണ പരിശീലന കോഴ്സ് ഇന്ന് ആരംഭിക്കും. നൂതനമാർഗങ്ങൾ ഉപയോഗപ്പെടുത്തി ആരംഭിക്കുന്ന ക്ലാസിന്റെ ഉദ്ഘാടനം വിദ്യാഭ്യാസ ബോർഡ് പ്രസിഡന്റ് പി.കെ മൂസക്കുട്ടി ഹസ്രത്ത് നിർവഹിക്കും.
44 മൊഡ്യൂളുകളിലായി ആറു പരീക്ഷകളും ഒരു ഫൈനൽ പരീക്ഷയും ഉൾക്കൊള്ളിച്ചതാണ് പാഠ്യപദ്ധതി.
18 വയസിനു മുകളിലുള്ള സ്ത്രീ പുരുഷന്മാർക്ക് http://skimvb.com/ എന്ന സൈറ്റ് മുഖേനയും പ്ലേസ്റ്റോറിൽനിന്ന് SAMASTHA Online (https://play.google.com/store/apps/details?id=com.trogon.samasthaonline) എന്ന ആപ് ഡൗൺലോഡ് ചെയ്തും രജിസ്റ്റർ ചെയ്ത് 500 രൂപ ഫീസടച്ച് അഡ്മിഷൻ പ്രക്രിയ പൂർത്തിയാക്കാം. അഡ്മിഷൻ എടുത്തവരിൽനിന്ന് 30 പേര് ഉൾക്കൊള്ളുന്ന ബാച്ചുകൾക്കാണ് ഇന്ന് ക്ലാസ് ആരംഭിക്കുക. കോഴ്‌സുകൾക്ക് ഏതു സമയത്തും അഡ്മിഷൻ നേടാനാവും. നാലു മാസമാണ് കാലാവധി. വനിതാ മെന്റർമാരുടെ നേതൃത്വത്തിൽ സ്ത്രീകൾക്ക് ലൈവ് ക്ലാസുകൾ ഉണ്ടായിരിക്കും.
കോഴ്‌സ് പൂർത്തീകരിച്ചവർക്ക് സമസ്ത കേരള ഇസ് ലാം മത വിദ്യാഭ്യാസ ബോർഡിന്റെ ഡിപ്ലോമ കോഴ്‌സ് സർട്ടിഫിക്കറ്റ് നൽകും. രജിസ്റ്റർ ചെയ്ത് ഫീസടച്ചവർ 7356404904 ഈ നമ്പറിലേക്ക് ഫീസടച്ച റസീപ്റ്റ് വാട്‌സ്ആപ് ചെയ്യേണ്ടതാണ്.