ഇന്ത്യന്‍ പ്രീമിയര്‍ ലീഗില്‍ അപൂര്‍വ നേട്ടം സ്വന്തമാക്കി ചെന്നൈ സൂപ്പര്‍ കിങ്‌സ് ഓള്‍ റൗണ്ടര്‍ രവീന്ദ്ര ജഡേജ. ഐ.പി.എലില്‍ 1000 റണ്‍സും 100 വിക്കറ്റുകളും 100 ക്യാച്ചുകളും നേടുന്ന ആദ്യ താരമായാണ് ജഡേജ മാറിയത്. കൊല്‍ക്കത്തയ്‌ക്കെതിരേ നടന്ന മത്സരത്തില്‍ ജഡേജ മൂന്നുപേരെ പുറത്താക്കുകയും രണ്ട് ക്യാച്ചുകള്‍ നേടുകയും ചെയ്തിരുന്നു. തുടര്‍ന്നായിരുന്നു താരം റെക്കോഡ് നേട്ടത്തിലെത്തിയത്.

സുനില്‍ നരെയ്ന്‍, അക്രിഷ് രഘുവാന്‍ഷി, വെങ്കടേഷ് അയ്യര്‍ എന്നി വരുടെ വിക്കറ്റുകള്‍ വീഴ്ത്തിയായിരുന്നു ജഡേജ നേട്ടം കൊയ്തത്. ഫില്‍ സാള്‍ട്ട്, ശ്രേയസ് അയ്യര്‍ എന്നിവരെ ക്യാച്ചിലൂടെയും പുറ ത്താക്കി. നാലോവറില്‍ 18 റണ്‍സ് മാത്രമാണ് ജഡേജ വഴങ്ങിയത്. മത്സരത്തില്‍ ചെന്നൈ സൂപ്പര്‍ കിങ്‌സ് ഏഴു വിക്കറ്റിന്റെ ജയം നേടിയിരുന്നു. നിലവില്‍ അഞ്ച് കളികളില്‍ മൂന്ന് ജയവും രണ്ട് തോല്‍വിയുമായി ആറു പോയിന്റോടെ നാലാം സ്ഥാനത്താണ് ചെന്നൈ.