ബെയ്ജിങ്: അപ്രതീക്ഷിത ശീതക്കാറ്റിലും ഐസ്മഴയിലും പെട്ട് ചൈനയില്‍ 21 കായികതാരങ്ങള്‍ക്ക് ദാരുണാന്ത്യം. 100 കിലോമീറ്റര്‍ മാരത്തണ്‍ ഓട്ടമത്സരത്തില്‍ പങ്കെടുത്തവരാണ് കൊല്ലപ്പെട്ടതെന്ന് ചൈന അറിയിച്ചു.

ചൈനയിലെ വടക്കുപടിഞ്ഞാറന്‍ ഭാഗത്തുള്ള ഗാന്‍സു പ്രവിശ്യയിലാണ് ശനിയാഴ്ച അപ്രതീക്ഷിതമായ കൊടും ശൈത്യവും മഴയുമുണ്ടായത്. 172 പേര്‍ പങ്കെടുത്ത മത്സരത്തില്‍ 151 പേര്‍ സുരക്ഷിതരാണെന്ന് ദുരന്തനിവാരണ സേന അധികൃതര്‍ അറിയിച്ചു.

മത്സരം 20-31 കിലോമീറ്റര്‍ എത്തിയ ഘട്ടത്തില്‍ താരങ്ങള്‍ മലമുകളിലായിരിക്കെയായാണ് പെട്ടന്നുണ്ടായ കാലാവസ്ഥാമാറ്റം. 20-31 കിലോമീറ്റര്‍ എത്തിയ ഘട്ടത്തില്‍ താരങ്ങള്‍ മലമുകളിലായിരിക്കെയായിരുന്നു പെട്ടന്നുണ്ടായ കാലാവസ്ഥാ മാറ്റം. കുറഞ്ഞ സമയത്തിനുള്ളില്‍ അവിടെ ആലിപ്പഴം വീഴുകയും ഐസ് കഷ്ണങ്ങള്‍ നിറഞ്ഞ മഴ പെയ്യുകയും ചെയ്തു. ഇതിനൊപ്പം ശക്തമായ കാറ്റും വീശാന്‍ തുടങ്ങിയതോടെ താപനില അപകടകരമാം വിധം കുറഞ്ഞുപോയി,'

താപനിലയില്‍ പെട്ടെന്നുണ്ടായ ഇടിവും അതുമൂലം അനുഭവപ്പെട്ട ശാരീരിക ബുദ്ധിമുട്ടുകളുമാണ് ഓട്ടക്കാരെ ബാധിച്ചതെന്നാണ് റിപ്പോര്‍ട്ട്.