തിരുവനന്തപുരം: എല്‍.ഡി.എഫ് സര്‍ക്കാരിന്റെ മദ്യനയം ഉടന്‍ പ്രഖ്യാപിക്കുമെന്ന് എക്‌സൈസ് മന്ത്രി  ടി.പി രാമകൃഷ്ണന്‍. യു.ഡി.എഫ് സര്‍ക്കാരിന്റെ നയത്തില്‍ നിന്ന് വ്യത്യസ്തമായിരിക്കും പുതിയ നയം. മദ്യനയം രൂപീകരിക്കുന്നതിനായി വിവിധ മേഖലകളില്‍ ഉള്ളവരുമായി സര്‍ക്കാര്‍ ചര്‍ച്ചകളും ആശയവിനിമയവും നടത്തുകയാണ്. ടൂറിസം മേഖലയിലെ പ്രതിസന്ധിയും ഗൗരവത്തോടെയാണ് സര്‍ക്കാര്‍ കാണുന്നതെന്നും അദ്ദേഹം പറഞ്ഞു.
അതേസമയം, യു.ഡി.എഫ് സര്‍ക്കാര്‍ നടപ്പാക്കിയ തെറ്റായ മദ്യനയം തിരുത്തണമെന്ന ആവശ്യവുമായി ജെ.എസ്.എസ് (സത്ജിത് വിഭാഗം) രംഗത്തെത്തി.  ത്രീ സ്റ്റാര്‍ ഹോട്ടലുകള്‍ക്ക് ദൂരപരിധി പാലിച്ച് ബാര്‍ ലൈസന്‍സ് കൊടുക്കണമെന്നും ബാറുകളുടെ പ്രവര്‍ത്തനസമയം ഉച്ചയ്ക്ക് ഒന്നു മുതല്‍ രാത്രി 10 വരെയാക്കണമെന്നും ജെ.എസ്.എസ് ആവശ്യപ്പെട്ടു.