കൊല്ലം: കൊല്ലം തെങ്കാശി പാതയില്‍ കടയ്ക്കലിനടുത്ത് കെ.എസ്.ആര്‍.ടി.സി ബസും ടൂറിസ്റ്റ് ബസും കൂട്ടിയിടിച്ചുണ്ടായ അപകടത്തില്‍ 46 പേര്‍ക്ക് പരുക്ക്. ഇതില്‍ ഒരാളുടെനില ഗുരുതരമാണെന്ന് ആരോഗ്യ മന്ത്രി വീണാ ജോര്‍ജ് മാധ്യമങ്ങളോട് പ്രതികരിച്ചു. കുളത്തൂപുഴയിലേക്കുപോകുകയായിരുന്ന കെ.എസ്.ആര്‍.ടി.സി ബസ് എതിരേവന്ന ടൂറിസ്റ്റ് ബസുമായി കടയ്ക്കലിലാണ് അപകടത്തില്‍ പെട്ടത്.
പരുക്കേറ്റവരെ തിരുവനന്തപുരം മെഡിക്കല്‍കോളേജ് ആശുപത്രിയില്‍ പ്രവേശിപ്പിച്ചു. പലരുടെയും പരുക്കുകള്‍ ഗുരുതരമുള്ളതല്ല. പരുക്കേറ്റവരുടെ വിവരങ്ങളറിയാന്‍ തിരുവനന്തപുരം മെഡിക്കല്‍കോളേജില്‍  കണ്‍ട്രോള്‍ റൂം തുറന്നതായി മന്ത്രി അറിയിച്ചു. 0471 2528322 എന്നതാണ് കണ്‍ട്രോള്‍ റൂമിലെ നമ്പര്‍.