HOME
DETAILS

ബ്യൂട്ടിപാര്‍ലര്‍ വെടിവയ്പ്പ് കേസ്: രവി പൂജാരിയെ കൊച്ചിയില്‍ എത്തിക്കും

  
backup
May 31 2021 | 17:05 PM

beauty-parlor-shooting-case-ravi-pujari-to-be-brought-to-kochi

കൊച്ചി: ബ്യൂട്ടി പാര്‍ലര്‍ വെടിവയ്പ്പ് കേസിലെ മൂന്നാം പ്രതിയും അധോലോക കുറ്റവാളിയുമായ രവി പൂജാരിയെ രണ്ട് ദിവസത്തിനകം കൊച്ചിയില്‍ എത്തിക്കും. ഇന്നലെ എറണാകുളം എ.സി.ജെ.എം കോടതി ഇയാളെ എട്ട് ദിവസത്തെ ക്രൈം ബ്രാഞ്ച് കസ്റ്റഡിക്ക് അനുമതി നല്‍കി. ബംഗളൂരു പരപ്പന അഗ്രഹാര ജയലില്‍ കഴിയുന്ന പുജാരിയെ പ്രത്യേക സംഘം എത്തി കസ്റ്റഡിയില്‍ വാങ്ങും.

മാര്‍ച്ച് എട്ടോടെ രവി പൂജാരിയെ കൊച്ചിയില്‍ എത്തിക്കാന്‍ ക്രൈം ബ്രാഞ്ച് ശ്രമിച്ചിരുന്നെങ്കിലും മുംബൈ പൊലിസ് ഇയാളെ നേരത്തേ കസ്റ്റഡിയില്‍ വാങ്ങിയത് തിരിച്ചടിയായി. കഴിഞ്ഞ ദിവസമാണ് കസ്റ്റഡി കാലാവധി പൂര്‍ത്തിയാക്കി മുംബൈ പൊലിസ് പൂജാരിയെ തിരികെ ബംഗളൂരു ജയിലിലെത്തിച്ചത്.

മഹാരാഷ്ട്രയില്‍ 49 കേസുകളില്‍ പ്രതിയാണ് ഇയാള്‍. 2018 ഡിസംബര്‍ 15നാണ് നടി ലീന മരിയ പോളിന്റെ പനമ്പള്ളി നഗറിലുള്ള ബ്യൂട്ടി പാര്‍ലറില്‍ ആക്രമണം നടന്നത്. ബൈക്കിലെത്തിയ രണ്ടംഗ സംഘമാണ് ആക്രമണം നടത്തിയത്. ലീനയെ ഭീഷണിപ്പെടുത്തി പണം തട്ടാന്‍ ക്വട്ടേഷന്‍ നല്‍കിയതായി രവി പൂജാരി ചോദ്യംചെയ്യലില്‍ വെളിപ്പെടുത്തിയിരുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."